Link açıqlığı

Saatnıñ esas haberi

Ukraina gümrükçisi Qırımdan ecnebiy para çıqarmaq içün qabar talap etken - SBU


Qırım memuriy sıoñırındaki kiriş-çıqış noqtası
Qırım memuriy sıoñırındaki kiriş-çıqış noqtası

Qırım MC SBU Baş idaresiniñ hadimleri Herson gümrük hızmetiniñ üyken müfettişini qabar almağa istegen maalde tutqanlar. Bu aqta fevralniñ 24-nde SBU matbuat hızmeti haber etmekte.

Haber etilgenine köre, müsseise hadimleri, gümrük noqtasınıñ deniş başlığı ilhaq etilgen Qırımdan qayd etilmegen ecnebiy paranıñ maniasız keçirilmesi içün on beş biñ ruble talap etkenini tesbit etkenler.

Hususiy hızmet operativcileri gümrükçi iş esnasında qabar alğanını vesiqalaştırğanlar. SBU hadimleri Ukraina cinaiy-protsesual kodeksiniñ 208 maddesine binaen gümrikçini tutıp alğanlar, dep qayd ete müessise hadimleri.

Ukraina Cinayet kodeksine 368 madde 3-nci qısmına mücibi cinaet işi açılğan.

SBU matbuat hızmeti qayd etkenine köre, operatsiya arbiy prokuratura ve gümrük hızmetiniñ iç telükesizlik bölügi yardımınen ötkerilgen.

Qırım Rusiye tarafından ilhaq etilgen soñ, 2014 senesiniñ Ukrainanıñ qıta qısmınen yarımada arasında memuriy, amma aslında kerçek bir «sıñır» peyda oldı. Memuriy sıñırda «Kalançak», «Çaplınka» ve «Çonğar» olaraq üç kiriş-çıqış noqtası çalışıp başladı.

Ukrainanıñ işğal etilgen territoriyalar işleri boyunca nazirniñ muavini Yusuf Kürkçi aytqanına köre, «Kalançak» KÇKN-nı bir buçuq million insan kesip keçken eken.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.

XS
SM
MD
LG