Link açıqlığı

Saatnıñ esas haberi

Aqmescitte mahkeme bir kişilik piketler eki iştirakçisiniñ şikâyetlerini baqacaq- «Qırım birdemligi»


Kreml nezareti altındaki Qırım Yuqarı mahkemesi
Kreml nezareti altındaki Qırım Yuqarı mahkemesi

Kreml nezaretindeki Qırım Yuqarı mahkemesi fevralniñ 21-nde, 2017 senesi oktâbrniñ 14-nde bir kişilik piketke çıqqan qırımtatarlar, musulmanlarnıñ şikâyetlerini baqmaq niyetinde.

«Qırım birdemligi» cemaat birleşmesi haber etkenine köre, birinci basamaq mahkemesinde qırımlılarğa nisbeten 10 biñ ruble (4,9 biñ grivna civarında - QA) ile 15 biñ ruble (7,3 biñ grivna civarında - QA) arasında cöreme töleme qararı qabul etken eken.

Simar Yakubovnıñ şikâyeti saat 13:30da, Server Seitibraimovnıñ şikâyeti saat – 14:45te baqılacaq.

Oktâbrniñ 14-nde yarımadada küç idaresi hadimleriniñ qırımtatarlar ve musulmanlarğa qarşı repressiyalarına narazılıq köstermek maqsadınen bir sıra bir kişilik piketler ötkerildi. Daa soñra Rusiye mahkemeleri bu piketlerniñ iştirakçilerine cöremeler tayin etti.

Piket iştirakçilerine qarşı, piket ötkerilmesiniñ tayin etilgen tertibini bozğanları içün (Rusiyeniñ Memuriy tertip bozuv aqqında kodeksi, 20.2 maddesiniñ 5-nci qısmı) memuriy protokollar tizildi.

Daa soñra Aqmescit, Canköy, Aluşta, Suvdağ şeerlerinde ve bunıñ kibi de İçki, İslâm-Terek, Qarasuvbazar ve Qurman rayonlarında mahkeme oturışuvları ötkerildi. İçki işler nazirliginiñ Qırım boyunca ekspertiza merkezi tarafından «piketler umumiy maqsat, niyet ve teşkil etilüv ile birleştirilgen» şeklinde berilgen hulâsa, qabaatlav tarafınıñ esas delili oldı.

Qırım ilhaqından soñ yarımadada rusiyeli akimiyet mustaqil jurnalistler, cemaat ve qırımtatar Milliy areketiniñ faalleri, Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.

XS
SM
MD
LG