Link açıqlığı

Saatnıñ esas haberi

Qırımda mahkeme ekstremizmde qabaatlanğan Ramazanovnıñ tevqif muddetini uzattı


İsmail Ramazanov, arhivden alınğan fotosuret
İsmail Ramazanov, arhivden alınğan fotosuret

Kreml nezaretindeki Qırım mahkemesi ekstremistik fikir darqatuvda qabaatlanğan İsmail Ramazanovnıñ tevqifini uzattı. Böyleliknen o, 2018 senesi martnıñ 18-ne qadar apiste qalacaq. «Qırım birdemligi» bu aqta özüniñ Facebook saifesinde haber etmekte.

Faallerniñ malümatına köre, Ramazanov oña nisbeten azırlanğan qabaatlav, qanunda ayırlğan müddet içinde berilmegeni içün, onı apisten azat etkenlerini rica etken edi.

Bu arada prokuror, qabaatlanğan şahısnıñ ekinci vatandaşlığı ve stabil bir işi olmağanını, onıñ içün o taqiqattan qaçması mümkün olacağını iddia etken edi.

Bir kün evel Qırımda mahkeme İsmail Ramazanovnıñ tevqif müddetini 2018 senesi martnıñ 18-ne qadar uzatqan edi.

«Ramazanov işi» boyunca taqiqat devam ete. Qabaatlağan taraf, FSB ekspertizası Ramazanov ile Zello internet-radiosındaki duşmanlıq ve nefret doğurğan mesajlar arasında bir bağ tapmağa areket ete. Bugün iş materiallarına Zello vastasınen qonuşmaq içün internetke kirgen qullanıcığa berilgen IP-adresi ve telefon raqamı boyunca provayderden alınğan cevap ilâve etildi.

Yanvarniñ 23-nde Rusiye küç idaresi hadimleri Novıy Mirde sakini qırımtatarı İsmail Ramazanovnıñ evinde tintüvler ötkerip, onı ekstremiz teşviqatında qabaatlağan edi.

Daa soñra Rusiyeniñ Qırımdaki Taqiqat komitetinde, taqiqatçılar internet-radio vastasınen ekstremistik materiallarnıñ darqatılmasında qabaatlanğan Aqmescit rayonı sakinine qarşı cinaiy iş açılğanı aqqında bildirgen edi.

Kreml nezaretindeki Aqmescit rayon mahkemesiniñ qadısı İrina Kirillova Ramazanovnı fevralniñ 23-ne qadar 30 künge apiske yolladı.

Qırım işğalinden soñ yarımadada rusiyeli akimiyet mustaqil jurnalistler, cemaat ve qırımtatar Milliy areketiniñ faalleri, Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.

XS
SM
MD
LG