Rusiye, SSCBniñ uquqiy mirasçısı olaraq, Ukrainanen tizilgen añlaşmalarnı ürmet etmek kerek, lâkin o öz areketlerinen halqara normalarnı bozğanını isbat ete. Ukraina tiş işleri nazirligi, 1954 senesi fevralniñ 19-nda Qırım vilâyetiniñ Ukraina SSC berilüv yıllğını bu şekilde izaatladı.
Ukraina MİDi Twitterde SSCB Yuqarı şurası Prezidiumınıñ Qırım vilâyetiniñ RSFSC terkibinden Ukrain SSC terkibine «Qırım vilâyeti ve Ukrain SSC arasındaki iqtisadiyatlarınıñ birligi, territorial yaqınlığı ve sıq iqtisadiy ve medeniy bağlarını esapqa alaraq»berilüvinen alâqalı Fermannıñ kopiyasını derce etti.
Ukraina tiş siyaset müessisesi, Rusiye öz areketlerinen halqara uquqnı tanımağanını köstere, dep qayd etti.
Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.
