Link açıqlığı

Saatnıñ esas haberi

Advokat kelmegeni sebebinden «26 fevral işi» mahkemesi başqa künge avuştırdı – «Qırım birdemligi»


Fevralniñ 19-nda Kreml nezaretindeki Aqmescitniñ Merkeziy rayon mahkemesi «26 fevral işi»niñ oturışuvını başqa künge avustırdı, dep haber ete «Qırım birdemligi» birleşmesi.

Birleşmeniñ Facebook saifesinde, oturışuv advokat Taras Omelçenko aynı vaqıtta başqa mahkemede iştirak etkeni sebebinden kelmegeni içün avuştırılğanı aqqında aytılmaqta.

«26 fevral işi»nen bağlı nevbetteki oturışuv fevralniñ 21-nde ötkerilecek.

2015 senesinde bir gruppa qırımtatar faallerine qarşı, 2014 senesi fevralniñ 26-sında Qırım Yuqarı Radasınıñ binası ögünde Ukrainanıñ topraq bütünligine qol tutmaq maqsadınen yapılğan mitingde iştirak etkenleri içün mahkeme başlatıldı. Olar kütleviy nizamsızlıqlarda iştirak etkenlerinde qabaatlandı.

Daa soñra mahkeme «Fevral 26 işi»ni ekige ayırdı: qırımtatar milliy areketiniñ liderlerinden biri Ahtem Çiygoznıñ işi, davanıñ diger figurantları olğan Ali Asanov, Mustafa Degermenci, Eskender Kantemirov, Talât Yunusov, Eskender Emirvaliyev, Arsen Yunusov ve Eskender Nabiyevniñ işinden ayırıldı.

Rusiye akimiyeti oktâbrniñ 25-nde Qırımda mahküm etilgen Qırımtatar Milliy Meclisi reisiniñ muavinleri Ahtem Çiygoz ve İlmi Umerovnı azat etip, Türkiyege teslim etti. Daa soñra Umerov ve Çiygoz Kyivge keldiler.

XS
SM
MD
LG