Britaniyalı The Telegraph gezetası dünyanıñ 17 eñ romantik binalarından ibaretbir cedvel tizip, Qırımnıñ cenübiy yalısında inşa etilgen «Qarılğaçlar yuvası» qalesini de şu cedvelge kirsetken.
Saytta derc etilgen fotoresim astında yazılğan izaatta, bu bina baron Şteyngel içün uçurım çetinde inşa etilgen soñ «Sevgi qalesi» adını alğanı yazılmaqta. Neşirde: «1941 senesi fon Şteyngel binanı satqan, ve bir-qaç yıl devamında qale restoran olaraq hızmet etken», – dep yazıla.
«Qarılğaçlar yuvası» qalesi – Qırımnıñ cenübiy yalısı içün ziyaret varaqası olğan. Qırımdaki Rusiye akkimiyeti, 2017 senesi yazda qazuvlar ve müendislik geologiya işlerini başlatıp, yadikârlıqqa zarar bere bile.
Ukraina Medeniyet nazirligi 2015 senesi, Ukrainanıñ taşınmaz yadikârlıqlar devlet siciline alınğan ve Ukraina qanunı ile qorçalanğan abidelerge qarşı yarımadadaki şimdiki akimiyetniñ yapqan areketlerini qanunsız olaraq tanıtqan edi.
2017 senesi yanvar-iyün ayları içün UNESCO esabatında, «Qarılğaçlar yuvası» qalesinde yapılğan işler qanunsız surette ötkerlgeni aytıla.
