Rusiye nezareti altındaki Qırım musulmanlarınıñ qurultayı Almaniya ükümeti ögünde, 1941-44 senelerde yarımadanıñ alman işğali vaqtında yoq etilgen köyler içün cenk tazminatı meselesini kötermek niyetinde.
«Cenk Qırım sakinleri içün pek şiddetli bir sınav olğan edi. İşğal vaqtında faşistler partizanlarnen işriligi yapqanında qabaatlap, köy ealisinen beraber 127 dane Qırım köyüni yoq etken edi», – dep bidire Rusiye «İnterfaksı» Qırım musulmanları qurultayı beyanat metninden alınğan sözlerni.
Böyleliknen forum iştirakçiler «cenk tazminatı meselesine qaytmağa maneviy ve uquqqiy aqqı olğanını» beyan etti.
Haber etilgenine köre, qurultay delegatları Kreml nezaretindeki Qırım musulmanları diniy idaresine meseleniñ taqiq etilüvi, vesiqalarnı azırlap resmiyletirilerek, Almaniya Federativ Cumhuriyetine tazminat tölemesi içün berilmesinen oğraşacaq gruppa teşkil etmesini avale etken.
2014 senesi Rusiye yarımadanı ilhaq etken soñ, Qırım musulmanları diniy idaresi öz areketlerini Qırımtatar Milliy Meclisinen koordinatsiya yapmaqnı toqtataraq, Rusiye qanunlarına binaen Qırım ve Aqyar musulmanları diniy idaresi (QAMDİ) olaraq qayd olundı.
2016 senesi noyabr ayında Qırımdan köçken musulmanlar Qurultay keçirerek, Ukraina qıta qısmındaki Qırım Muhtar Cumhuriyeti musulmanlarınıñ Diniy idaresini teşkil etmege qarar bergen edi. Mufti olaraq Ayder Rustemov saylânğan edi.
2017 senesi oktâbr ayında Ukraina medeniyet nazirliginiñ milletler ve dinler departamenti Rustemov yolbaşçılığındaki Qırım Muhtar Cumhuriyeti musulmanlarınıñ Diniy idaresini qayd etti.
