Link açıqlığı

Saatnıñ esas haberi

Poroşenko Münichte: «Rus dünyası» er şeyni harabege çevire. Abhaziya ve Qırımğa bir baqıñız


Ukraina prezidenti Petro Poroşenkonıñ Münichteki telükesizlik konferentsiyasında çıqış yapqan vaqtı, 2018 senesi fevralniñ 16-sı
Ukraina prezidenti Petro Poroşenkonıñ Münichteki telükesizlik konferentsiyasında çıqış yapqan vaqtı, 2018 senesi fevralniñ 16-sı

Rusiye Qırımğa insanlarnıñ aq-uquqını qorçalamaq içün degil de, SSCB dağılğan soñ, Kremlniñ ambitsiyalarını qanaatlendirmek içün keldi. Kareliya, Abhaziya ve ilhaq etilgen Qırımğa bir baqsañız, Rusiye tarafından işğal etilgen topraqlar harabege çevirilgenini körersiñiz.

Böyle bir beyanatnı Ukraina prezidenti Petro Poroşenko, fevralniñ 16-si Cuma künü telükesizlik boyunca elli dördünci Münich koferensiyası çerçivesindeki «AB ve NATOda mudafaa işbirligi: daa ziyade avropalı, daa da sıq, daa ziyade qabiliyetli?» adlı panel muzakerelerinde bildirdi.

«Rusiye Qırımğa insanlarnıñ aq-uquq ve serbestligini qorçalamağa kelmedi – uquq Rusiye bulunğan er yerde bozula ve bu eñ qaba şekilde qırımtatarlarına qarşı yapıla. Rusiye Donbassnıñ qoşulmasını da istemey – Kreml tarafından bu topraqlarğa yapılğan tecavuz, Ukrainanı zayıflatuv ve stabilsizleştirüv maqsadınen yapıldı», – dedi Poroşenko.

Onıñ sözlerine köre, Rusiye tecavuzına qarşı çıquv «istiqbalge tesir etecek mevcut problemadır».

«Sizler «Rus dünyası» ne olğanını añlamalısıñız. Misaller pek çoq. Başta bir, sabıq Könegsberg ve Münichteki ayat seviyesini bir qıyaslap baqıñız. Ya da 80 yıl evel Rusiye ilhaq etken Kareliya territoriyasını, Fin Kareliyasınen; ya da Ekinci cian cenkinden soñ Moskva zapt etken Kuril adalarını muqayese etiñiz. «Rus dünyası» ile ür dünya arasındaki dağlar qadar farq bar. Efsaneviy Midas çarı toqunğan er şeyini altınğa çevire eken. «Rus dünyası» toqunğan er şeyini harabe ve tüşkünlikke çevire. Abhaziya, Cenübiy Osetiyea, Pridnestrovye, ilhaq etilgen Donbass ve Qırımğa bir baqıñız. Dersiñ ki, «Rus dünyasınıñ» doktrinasına binaen bütün Avropa, aksine degil de, illa ki Kaliningrad ve ilhaq etilgen Donbass kibi körünmeli. Buña imkân bermemelimiz», – denilmekte haberde.

Poroşenkonıñ sözlerine köre, Kremlniñ maqsadı, «Kreml ambitsiyalarınıñ qanaatlendirilmesi ve Putin Sovetler Birligi dağılğanını tasvir etkeni kibi «XX asırnıñ muazzam afeti» içün alınğan intiqamdan ibaret.

Fevralniñ 16-nda Almaniyada fevralniñ 18-ne qadar devam etecek telükesizlik boyunca Münich konferentsiyası başlandı. Dünya devletleriniñ liderleri esasen Ukraina ve Suriye çatişmalarını ve Şimaliy Koreyanıñ ambitsiyalarını muzakere etmege planlaştıra.

XS
SM
MD
LG