Link açıqlığı

Saatnıñ esas haberi

«Novaya gazeta»nıñ jurnalisti Ali Feruz Rusiyeni terk etip Almaniyağa barıp çıqtı


Ali Feruz
Ali Feruz

«Novaya gazeta»nıñ jurnalisti Ali Feruz Rusiyeni terk eterek, fevralniñ 15-nde Almaniyanıñ Franfurt şeerine barıp çıqqan, dep haber ete «Novaya gazeta».

Keçken afta Moskva Basmannıy mahkemesi Feruznıñ üçünci bir devletke çıqmasına izin berdi. Ondan evel Moskva şeer mahkemesi Feruznıñ sürgün etilüvini vaqtınca toqtataraq, onı çetel vatandaşları tutulğan muvaqqat müessisedeqalmağa mevcbur etken edi. O, artıq altı ay berli anda qala edi.

Yanvarniñ 22-nde Rusiye Yuqarı mahkemesi sürgünnen bağlı qararnı lâğu eterek, Feruznıñ işini ğayrıdan baqılmağa yollağan edi.

Hudoberdi Nurmatov (kerçek adı Feruz) 2017 senesi avgust ayınıñ başında Moskvada tutulıp alınğan edi. O, Rusiye migratsion qanununı bozğanında qabaatlandı. Feruz iddia etkenine köre, onı - vatanı Özbekistanda - terroristik teşkilâtlarnen işbirligi yapqanında qabaatlayaraq, qıynap öldürebile ekenler.

Bir qaç yıl devamında o Rusiyede muvafaqiyetsizce siyasiy sıqınaq ve qaçaq statusı almağa areket ete.

XS
SM
MD
LG