Link açıqlığı

Saatnıñ esas haberi

Aqmescitte rusiyeli küç idaresiniñ hadimleri «narazılıq meydanınıñ» faali İbraimovnı tutıp aldı – KHV


Fazıl İbraimov
Fazıl İbraimov

Aqmescitte Rusiye MVDsi Qırım idaresiniñ hadimleri «Strelkovaya» «narazılıq meydanınıñ» faali Fazıl İbraimovnı tutıp aldı.

Rusiyeli «Novaya gazeta» gazetası haber etkenine köre, İbraimovnı «narazılıq meydanında» yaşağan oğlunıñ evinde tutıp alğanlar.

«Fazıl ağanı şimdi evine alıp keteler. Onı dört dane avtozak maşnası alıp kete», — dep bidire KHV İbraimovnıñ safdaşı Rinat Şaymardanovnıñ sözlerini.

Rusiye MVDsiniñ Qırım idaresi İbraimovnı tutıp alğanı aqqında haber etmey.

Qırım.Aqiqat olıp keçkenlerniñ inceliklerine bilmege areket ete.

Fazıl İbraimov, sürgünden soñ avdet etken qırımtatarlar işğal etip alğan topraqlar yani «narazılıq meydanlarınıñ» resmiyleştirilmesi içün alıp barğan kürüşinen meşurdir.

Fevralniñ 4-nde Aqmescitte Aqmecsit rayonı Strelkovaya «narazılıq meydanınıñ» faalleri miting keçirerek, Rusiye prezidenti Vladimir Putinden evlernen caminiñ yıquvdan qorçalmasına» çağıraraq, açlıq ilân etken ediler.

2017 senesi avgust ayında rusiyeli ükümet «Krımskaya roza»nen alâqalı ictimaiy diñlevler keçire. Fazıl İbraimov o künü çıqış yapamay, çünki onı zaldan çıqarıp yibereler. Fazıl İbraimov «politsiyanıñ qanuniy talabına riyayet etmemekte» qabaatlanıp, beş künge tevqif etile. Diñlevler mufafaqiyetli keçti dep tanıla.

İctimaiy diñlevlerde çıqış yapmaq istegeni içün rusiyeli küç idaresiniñ hadimleri 62-yaşındaki İbraimovnıñ evine tintüv yapmağa kele. Onıñ evinde islâmnen alâqalın kitap ve «narazılıq meydanınıñ» iştirakçilerinen bağlı vesiqalar qıdıralar.

«Strelkovaya» «narazılıq meydanı» yerine «Krımskaya roza» adlı 9 biñ kişilik yañı rayon qurulması planlaştırıla. Mesken evlerden ğayrı mında mektep, balalar bağçası, sport kompleksleri ve tükânlar qurulması planlaştırıla. Şimdi bu yerde esasen sürgünden qaytqan insanlar yaşay.

XS
SM
MD
LG