ABD maliye nazirligiRusiyeniñ eñ zengin vatandaşlarınae nisbeten yañı sanktsiyalar kirsetmesi mümkün. Bu 2016 senesi ABD prezident saylâvlarına Moskvanıñ qarışqan olğanına ihtimal berilgenine bir cevap olaraq yapıla. Bu aqta fevralniñ 14-nde ABD Senatı Maliye komitetiniñ reisi Steven Mnuchin beyan etti.
«Biz bu sanktsiyalar üzerinde faal çalışmaqtamız», – dep bildire Azatlıq Radiosı Mnucinniñ sözlerini.
Kongresstekilerniñ ekseriyeti bıltır yazda Rusiyege nisbeten yañı sanktsiyalar kirsetilmesine qol tutqan edi. Moskvanen daa yaqın bağlarnıñ tüklenmesiniñ tarafdarı olğan prezident Donald Trump, bu qararnı istemeyerek imzalağan edi.
Keçken ayda ABD maliye nazirligi Rusiye prezidenti Vladimir Putinnen sıq munasebette olğanı sebebinden zenginlik ve devlet başında vazifeler elde etken 114 memur ve 96 «oligarhnıñ» cedvelini derc etti.Olarğa nisbeten sanktsiyalar kirsetilmesi mümkün olacaq sımalar kirgen vesiqanu derc etken edi. Söz incelikleri belli olmağan gizli bir cedvel tizilgeni aqqında yürsetilgen edi.
ABD Maliye naziri Steven Mnuchin yanvarniñ 30-nda yañı sanktsiyalar azırlanğanı ve nazirlik yaqın aylârda bunı bildirecegi aqqında beyan etti.
