Link açıqlığı

Saatnıñ esas haberi

Rusiye ilimler Akademiyasınıñ reberi Qırımdaki qazmalar aqqında: «Bizler büyük zenginlikler saibi oldıq»


M.e. VII asırda, zemaneviy Keriç territoriyasında qurulğan qadimiy yunan Pantikapey şeeri
M.e. VII asırda, zemaneviy Keriç territoriyasında qurulğan qadimiy yunan Pantikapey şeeri

Rusiyeli alimler ilhaq etilgen Qırım territoriyasında bir çoq qazma işleri keçirgeni sebebinden «büyük zenginlikler saibi» oldı, dep ayttı fevralniñ 8-nde Rusiye ilimler Akademiyasınıñ prezidenti Aleksandr Sergeyev.

Rusiyeli KHV haber etkenine köre, Sergeyev bunı Novosibirskte ötkerilgen prezident keñişiniñ ilim ve tasil oturışuvında beyan etken. O, aytqanına köre, Qırımda «Tavrida» avtomobil trassası qurulğan vaqıtta rusiyeli arheologlar qazma işler ötkere, qurucılar tarihiy abideler tapa ekenler.

«Bizler tıoqtamay tapılğan büyük zenginlikler saibi oldıq», – dep bildire «İnterfaks» Rusiye ilimler akademiyası reberiniñ sözlerini.

Sergeyev «Qırım arheologiyası leyhasını halqara leyha yapılması pek meraqlı olur edi» dey. O, başqa devletlerniñ alimleri böyle bir ilmiy leyhanen meraqlanır dep ümit ete.

Ukraina medeniyet nazirligi Rusiyeniñ ilhaq etilgen Qırımda yapqan areketleri Ukrainanıñ yarımadadaki medeniy asabalığına zarar ketirgenini iddia ete. Bu areketler Ukrainanıñ «Medeniy mirasnı imaye etüv» qanunındaki talaplarlarnen, 1972 senesi UNESCO Şartnamesini boza.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.

XS
SM
MD
LG