Fevralniñ 7-nde saba erte qırımtatar Mustafa Kalafatovnıñ evinde tüntüv yapıldı. «Qırım birdemligi» cemaat teşkilâtı haber etkenine köre, tintüvden soñ rusiyeli küç idaresiniñ hadimleri Kalafatovnı belli olmağan tarafqa alıp ketkenler.
Faallerniñ malümatına köre, tutıp alınğan şahısnıñ evinde silâ ve yasaqlanğan kitaplar qıdırğan ekenler.
«Yalıñız qomşularnıñ sözlerine köre bu aileniñ, bu insannıñ musbet olğanını, özü de adiy bir vatandaş olğanını aytmaq mümkün. Mında cemaatçılıqqa yetkizmek istenilgen bir fikir bar: bugün beyazlarnı, yarın siyalarnı teslim ettiler, demek yarından soñ, er kesni almağa kelecekler. Biz bularnıñ bir kişige nisbeten degil de, bütün er keske nisbeten yapılğan taqipler olğanını añlamalımız. Meyil belli – ilk-evelâ faallerni, soñ qalğanlarnı temizleycekler», – dep paylâşa Qırım.Aqiqatnen «Qırım birdemligi» teşkilâtı faaali Server Mustafayev.
O, tintüv saba saat 4-te başlanğanını, faaller ise saat 10-da haberdar olğanını işaret etti.
«Bu insanlarnıñ (aileniñ – QA) buña azır olmağanını ve vaziyetni nasıl aydınlatacağını bilmegenlerini köstere», – добавил Мустафаев.
Qırım.Aqiqat olıp keçkenlerniñ inceliklerini bilmege areket ete.
Qırımdaki rusiyeli küç idareleriniñ saytlarında bu vaqia aqqında iç bir malümat yoq.
Qırım ilhaqından soñ yarımadada rusiyeli akimiyet mustaqil jurnalistler, cemaat ve qırımtatar Milliy areketiniñ faalleri, Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.
