Qırımda Kreml nezaretindeki milletlerara munasebetler ve Qırımda repressiyağa oğratılğan milletlerniñ milliy-medeniy ğayrıdan tiklev idaresi reisiniñ muavini Yuriy Kosmınin vazifesinden boşatıldı. Bu aqta Qırımnıñ rusiyeli yolbaşçısı Sergey Aksönovnıñ fermenında söz yürsetilmekte.
«Milletlerara munasebetler ve Qırımdan sürgün etilgen vatandaşlar Devet komitetiniñ, milletlerara munasebetler ve Qırımda repressiyağa oğratılğanlarnıñ milletlerniñ milliy-medeniy ğayrıdan tiklev idaresi reisiniñ muavini Kosmınin Yuriy Vladimiroviç 2018 senesi fevralniñ 1-nden itibaren taraflarnıñ razılığı ile vazifesinden boşatılsın», – denilmekte fermanda.
Qırım ükümetiniñ saytında berilgen malümatqa köre, Yuriy Kosmınin 2001 senesinden berli devlet işinde hususan milletlerara munasebetler ve Qırımdan sürgün etilgen vatandaşlar komitetinde çalışqan eken. 2014 senesi sentâbr ayında o milletlerara munasebetler ve Qırımda repressiyağa oğratılğanlarnıñ milletlerniñ milliy-medeniy ğayrıdan tiklev idaresi yolbaşçısı vazifesine tayin etilgen.
