Fevralniñ 4-nde Aqmescitte toqtamadan küçlü yağmur yağa. Qırım.Aqiqatmuhbiri haber etkenine köre, şimdilik ava vaziyeti şeer naqliyatınıñ işine pe k tesir etmemekte.
Ancaq bu arada Raketnaya soqağında marşrut avtobusı ög köpçeklerinen, temir işlerinden soñ yağmur suvından eşilgen endekke tüşüp ketken, dep yaza şaatlar ictimaiy ağlarda.
Daa evel Rusiye MÇSiniñ Qırım idaresi Qırım sakinlerini fevralniñ 4 ve 5-nde Qırımnıñ bazı özenlerinde su seviyesi yüksele bileceği aqqında tebiyelegen edi.
İdare ayrıca haber etnkenine köre, Aq deñiz tsiklonlarınıñ atmosferik cebe bölüklerini keçken soñ, 3-nci, 4-nci ve 5-nci fevral geceleri Qırımda avanıñ bozulması beklenile: saniye 15-20 m tezliginde cenübiy-ğarbiy yönelişte esip başlağan rüzgâr şimaliy-ğarbiy yönelişte keçecek, şiddeti saniyede 25 m tezliginde qadar artacaq eken. Sinoptikler aytqanına köre, fevralniñ 4 ve 5-nde kündüz küçlü, yer-yer pek küçlü yağışlar beklene eken.
