Link açıqlığı

Saatnıñ esas haberi

Qanun üstünligi boyunca dünya sıralamasında Rusiye 89, Ukraina - 77 yerde


World Justice Project halqara teşkilâtı tarafından uquq üstünligi dünya sıralamasında, Rusiye 89, Ukraina -77 yerde bulunmaqta.

Maruzanıñ resmiy saifesi haber etkenine köre, bir yıl içinde Rusiye üç sıra, Ukraina ise bir sıra yuqarığa köterilgen.

Uquq üstünligine riyayet etüv sıralamasına binaen, Rusiye Fillipinlernen (88-nci yer) ve Dominican cumhuriyetinen (90 yer) aynı sırada bulunmaqta.

Qomşu devletler arasında Estoniya (12 yerde), Gürcistan 38), Qıtay (75), Ukraina (77) yerde. Aynı zamanda Özbekistan (91) ve Türkiye (101) nisbeten Rusiyede vaziyet daa da yahşı. Sıralamanıñ eñ üst noqtasında Daniya, Norveç ve Finlândiya, soñki yerde ise, Venesuela tura.

Uquq üstünligi indeksi 2010 senesi işlenip çıqarılğan edi. O devletlerniñ uquqiy muitni temin etüvindeki muvafaqiyetlerini ölçey. Malümatlar - akimiyet organlarınıñ vekâletligini sıñırlav, qaparcılıqnıñ olmayuvı, tertip ve havfsızlıq, esas uquqlarnı imaye etüv, akimiyet organlarınıñ açıqlığı, qanunlarğa riyayet etilüvi, vatandaşlıq adliyesi, cinayet adliyesi olaraq, sekiz kriteriyge birleştirile.

Avtoritar ve totalitar rejimge saip devletlerde «uquq üstünligi» «qanun üstünligi» olaraq tercime etile. Uquqimayecileriniñ böyle devletlerde qanunlar daima zemaneviy normalarğa uymağanını qayd eteler.

Uquq üstünliginiñ esas printsipleri arasında – vekâletliklerni ayıruv, şahsiy üriyet ve şahsiy menlikni imaye etüv bardır

XS
SM
MD
LG