Link açıqlığı

Saatnıñ esas haberi

Rusiye prezidentligine namzet Kseniye Sobçak ilhaq etilgen Qırımğa barmağa ihtimali olğanını aytıp, ziyaret etecek olsa bile, Ukrainanıñ qıta qısmından keçecegini bildire. Bu aqta o RTVI telekanalına bergen intervyusında ikâye ete.

«Yaşağan baqqan soñ – körermiz, kampaniye endi başlandı. Halqara añlaşmalarğa binaen Qırım Ukrainağa bağlı, onın içün protsedurası böyledir. Elbette ki anda, Ukraina üzerinden kirmek kerek», – dep qayd ete Sobçak.

Bu arada o, aslında şimdilik Qırımğa barmağa planlaştırmağanını ilâve ete.

Kseniya Sobçak prezident saylâvında iştirak etmege istegeni aqqında oktâbrniñ 18-nde ilân etken edi.

Nazmet ilhaq etilgen Qırımda saylâv teşviqatı yapmaycağı aqqında aytqan edi. Onıñ sözlerine köre, Rusiye Qırımnı ilhaq eterek, halqara mecburiyetlerini bozdı ve bu ilhaq qomşu devlet ealisiniñ fuqareleşmesine sebep oldı.

Rusiye prezidenti saylâvları 2018 senesi martnıñ 18-ne yani- Qırım ilhaq etilgen künge tayin etildi. Saylâvlarda hususan, Rusiyeniñ şimdiki prezidenti Vladimir Putin, televizyon alıp barıcısı Kseniya Sobçak, işadamları aq-uquqları boyunca vekâletli temsilcisi Boris Titov, LDPR lideri Vladimir Jirinovskiy, «Yabloko» esasçısı Grigoriy Yavlinskiy ve KPRF adına Moskva civarında yerleşken sovhoz mudiriPavel Grudinin iştirak etmek niyetindeler.

XS
SM
MD
LG