Qırımnıñ Duvanköy (Verhnesadovoye) köyü civarında yarımadanıñ rusiyeli politsiya hadimleri «subet» keçirmek maqsadınen cemaat faalleri Rustem Murasov ve Rustem Tairovnı toqtatqanlar. Bu aqta «Qırım birdemliginiñ» Facebook saifesinde haber etile.
«Rustem Murasov ve Rustem Tairovnı GAİ inspektorları toqtatqan. Daa soñra FSB hadimleri kelip, birer-birer ma;nağa oturtıp subet keçirgen», – denilmekte haberde.
«Qırım birdemliginde» qayd etilgenine köre, cemaat falleriniñ ekisi de daima yarımadada tintüv yapılğan yerlernen mahkemelerni ziyaret ete ekenler.
Teşkilâtnıñ malümatina köre, «subet keçirilgen yerge» qırımtatar faalleri kelgen. Daa soñra Tairov ve Murasovnı qoyıp yibergenler. Diger faaller olarnı subet keçken yerden ozğarğan.
Yanvarniñ 27-nde Sudaqta «Qırım birdemligi» cemiyet teşebbüsiniñ oturışuvına Rusiye OMONınıñ hadimleri kelgen edi. Küç şdaresiniñhadimleri, olarğa «bu adres boyunca silâlı toplaşuv keçe», dep telefon etkenlerini añlatalar. Olar tedbir iştirakçilerinden pasportlarını köstermelerini talap etip, aksi alda er kesni, avtozaklarğa yüklep, politsiyağa alıp keteceklerinen qorquzalar.
Qırım işğalinden soñ yarımadada rusiyeli akimiyet mustaqil jurnalistler, cemaat ve qırımtatar Milliy areketiniñ faalleri, Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.
