Link açıqlığı

Saatnıñ esas haberi

SBU: memuriy sıñırda Qırımnıñ sabıq sport naziri yaqalandı


Ukraina havsızlıq Hızmeti qarşı casuslıq bölüginiñ hadimleri Qırım memuriy sıñırınıñ «Kalançak» kiriş-çıqış noqtasında Qırımnıñ rusiyeli sport Nazirligi reberiniñ sabıq muavinini yaqaladı. Bu aqta fevralniñ 2-nde SBU matbuat hızmeti haber ete.

Ukraina SBUsınıñ hadimleri, sabıq ukrain memuru 2015 senesi aprel 2016 senesi mayıs ayları arasında Qırım sport naziri reberiniñ muavini vazifesinde çalışqanını tesbit etken.

«Vazifesinden ayırılğan soñ, işğalci akimiyetniñ «Qırımda Rusiye vatandaşlarınıñ vatanperverlik (arbiy vatanperverlik) terbiyesi» adlı Devlet programması çerçivesinde o Ukrainağa qarşı olğan faaliyetini devam ete», – dep qayd ete muessise.

Soñki zamanlarda yaman niyetli bu adam «DOSAAF» (Rusiye ordusı, aviatsiyası ve flotına göñülli yardım cemiyeti) rusiyeli ictimaiy-devlet teşkilâtınıñ Regional bölüginiñ kâtibi olaraq çalışqan. Bu strukturanıñ faaliyeti Ukraina suvereniteti ve topraq bütünligi bozmaqnen bağlı», – denilmekte haberde.

Hususiy hızmet operativcileri alğan malümatqa köre, bu şahıs şahsiy işlerini al etmek maqsadınen Qırımdan Herson vilâyetine kelmek istey eken. Uquqqoruyıcılar, memuriy sıñırnı kesip keçken maalde, Ukraina Cinayet-protsessual qanunınıñ 208 maddesine binaen onı tutıp alğanlar, denilmekte haberde.

Qırım MC Ukraina SBUsı Başidaresiniñ taqiqçileri Ukraina Cinaiy kodeksiniñ 111 madde 1 qısmına binaen (devlet hainligi) cinayet işi açqanlar. Şimdilik taqiqat areketleri devam ete, dep qayd ete muessise hadimleri.

Al-azırda onıñ adını ögrenmege tırışalar. Qırım.Aqiqat yaqalanuv inceleliklerini bilmege tirışa.

XS
SM
MD
LG