Rusiyeniñ Taganrog şeerinde Rusiye ükümetiniñ yolbaşçısı Dsmitriy Medvedevke ocalarnıñ aylığı sebebinden şikâyet etken şeer demir maden tehnikumınıñ ocası işten boşatılğan, dep haber ete fevralniñ 2-nde Azatlıq Radiosı.
Öz şikâyetinde Makarenko 2016 senesi tasdıqlanğan 8289 ruble seviyesideki aylıq, rusiyeli mutehassıslarnıñ 2012 senesi alğan aylığından bir farqı yoq dep yazmaqta.
O, ne içün zaten regionnıñ ortalalamasından bir qaç misli daa da az olğan ocalarnıñ aylıqları dört yıl boyunca indekslenmegeniniñ añlatılğanını talap ete.
161.ru portalı haber etkenine köre, Rusiyeniñ umumiy ve professional tasil nazirligi, Viktor Makarenko Medvedevke mektüp yazğanı sebebinden degil de tehnikumda 40 yıldan berli çalışqan vaqıtta «toplanğan intizam qabaatları» sebebinden işten boşatılğan eken.
