Aqyarnıñ rusiyeli sabıq gubernatorı Sergey Minyaylo, ABD maliye nazirligi «Kreml esabatı» adı ile derc etken ve Rusiye prezidenti Vladimir Putinnen sıq alâqası olıp, olarğa nisbeten sanktsiyalar kirsetilmesi mümkün olğan sımalar cedvelini kirdi.
Bu arada Minyaylo ta 2014 senesinden itibaren «Ukrainada tınçlıq, havfsızlıq, istiqrar, suverenitet ve topraq bütünligine tehdit etken areketleri sebebinden» ABD sanktsiyalar cedvelinde kirsetilgen edi.
Şimdilik Aqyarnıñ sabıq gubernatorı «Kreml esabatı»na kirsetilüvinen bağlı açıq bir izaatlar bermedi.
Sergey Minyaylo Qırım ilhaq etilgen soñ, yani 2014 senesi oktâbr ayından 2016 senesi iyül ayına qadar Aqyar gubernatorı vazifesinde çalışqan edi.
Rusiye prezidenti Vladimir Putin 2016 senesi iyülniñ 28-nde Aqyarnıñ sabıq gubernatorı Sergey Minyaylo Sibir federal okrugında prezidentniñ vekâletli temsilcisi olaraq tayin etken edi.
