Link açıqlığı

Saatnıñ esas haberi

Poklonskaya ABD prezidentini Qırımğa davet ete


Natalya Poklonskaya
Natalya Poklonskaya

Qırımda saylânğan Rusiye Devlet dumasınıñ deputatı Natalya Poklonskaya ABD prezidenti Donald Trumpni yarımadağa davet ete. Bu aqta o, ABD akimiyeti tarafından oña qarşı kirsetilgen sanktsiyalarğa izaat bergende özüniñ Facebook saifesinde yazmaqta.

Onıñ sözlerine köre, o sanktsiyalarnı «Vatanı oğrunda» çalışqanlarınıñ musbet bir degerlendirmesi olaraq köre. Bu arada o amerikan prezidentine Qırımnı ziyaret etmekni teklif ete.

«Bizim çetel partnörlarımıznıñ sanktsiya şeklindeki böyle basiretsiz ve qorqaq resktsiyası, olarnıñ özüni sıñırlay. İşte, meselâ, Donald Trump efendi meni iş yemegine davet etmege istese de, öz sanktsiyaları sebebinden yapıp olamaz. Yalıñız prezidentlikke namzet olğan Kseniya Sobçaknen saba qavesi içmeknen sıñırlanabilir. Men ise, ABD prezidentiniRusiyeniñ küneşli Qırımına davet etem. Prezident efendiniñ havfsızlığı S-400 «Triumf» kompleksleri tarafından garantiya etilmekte», – dep yaza o.

ABD maliye nazirligi, Rusiyeniñ Ukrainadaki areketlerinden dolayı oña qarşı kirsetken sanktsiyalarnıñ al-azırdaki cedvelini kenişletkeni aqqında ilân etti. Sanktsiyalar cedveline ilâve olaraq «21 şahıs ve 9 teşkilât» kirsetildi, dep haber ete «Golos Ameriki».

XS
SM
MD
LG