Link açıqlığı

Saatnıñ esas haberi

Qırım: «26 fevral işi»nen bağlı mahkeme otırışuvı avuştırıldı


Kreml nezaretindeki Aqmescit Merkeziy rayon mahkemesi «26 fevral işi»nen bağlı otırışuvnı fevralniñ 8-ne avuştırdı. Otırışuv yerli vaqıtqa köre saat 10:00 başlanacaq. Bu aqta Qırım.Aqiqatqa Azatlıq Radiosınıñ rusiyeli muhbiri haber etmekte.

Otırışuvnıñ avuştırıluvı, qadınıñ mesleatlaşuv odasına başqa iş boyunca ketkeninen bağlı.

Daa evelki otırışuv «26 fevral işi» figurantları olğan Mustafa Degermencinen Ali Asanovnıñ ev apsini eki ayğa, yani 2018 senesi aprelniñ 7-ne qadar uzatqan edi.

Prokuror mahkemeden, Ahtem Çiygoznen alâqalı qararnıñ küçke kirgeni sebebinden yañı isbatlar berilme ihtimalini nazarda tutaraq, işni tafsilâtlıca ögrenmek içün yanvarniñ 26-na qadar teneffüs ilân etmesini rica etken edi.

2015 senesinde bir gruppa qırımtatar faallerine qarşı, 2014 senesi fevralniñ 26-sında Qırım Yuqarı Radasınıñ binası ögünde Ukrainanıñ topraq bütünligine qol tutmaq maqsadınen yapılğan mitingde iştirak etkenleri içün mahkeme başlatıldı. Olar kütleviy nizamsızlıqlarda iştirak etkenlerinde qabaatlandı.

Daa soñra mahkeme «Fevral 26 işi»ni ekige ayırdı: qırımtatar milliy areketiniñ liderlerinden biri Ahtem Çiygoznıñ işi, davanıñ diger figurantları olğan Ali Asanov, Mustafa Degermenci, Eskender Kantemirov, Talât Yunusov, Eskender Emirvaliyev, Arsen Yunusov ve Eskender Nabiyevniñ işinden ayırıldı.

Rusiye akimiyeti oktâbrniñ 25-nde Qırımda mahküm etilgen Qırımtatar Milliy Meclisi reisiniñ muavinleri Ahtem Çiygoz ve İlmi Umerovnı azat etip, Türkiyege teslim etti. Daa soñra Umerov ve Çiygoz Kyivge keldiler.

XS
SM
MD
LG