Link açıqlığı

Saatnıñ esas haberi

Rusiyeli küç idaresiniñ hadimleri Qırımnıñ eki rayonında tintüvler keçire– qırımtatar faalleri


Rusiyeli küç idaresiniñ hadimleri yanvarniñ 25-nde ilhaq etilgen Qırımnıñ Cankoy şeerinde ve Seitler rayonında tintüvler keçire.

«Qırım birdemligi» cemaat teşkilâtı Facebookta haber etkenine köre, tintüvler Cankoynıñ Sadovaya soqağında yaşağan cemaat faali Enver Kroşnıñ evinde ötkerilmekte.

Ayrıca tintüv Seitler rayonı Seitler Vaqıf (Razlivı) köyüniñ sakini Ebazer İslâmovnıñ evinde yapılmakqta.

Rusiyeli küç idareleriniñ saytlarında tintüvnen alâqalı malümat yoq. Qırım.Aqiqat olıp keçkenlerniñ inceliklerini bilmege areket ete.

Qırım işğalinden soñ yarımadada rusiyeli akimiyet mustaqil jurnalistler, cemaat ve qırımtatar Milliy areketiniñ faalleri, Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.

XS
SM
MD
LG