Rusiyeli sıñırcılar Ermenibazarda Ekinci cian cenki devrine ait cephane tapqanlarını iddia etmekteler. Bu aqta «Krıminform»ğa dayanaraq, Rusiye FSBsi Qırım sıñır idaresiniñ matbuat hızmeti haber etmekte.
«Şeerniñ şimaliy-ğarbiy tarafında yerleşken yazlıq evler bölgesinde ötkerilgen tedbirler neticesinde yerge kömülgen ve içinde 162 dane patron bulunğan tselofan paket tapıldı», – denilmekte haberde.
Sıñırcılar qayd etkenine köre, ihtimal patronlar TT pıştavından ve Şpagin pıştav-Rusiye sıpulemötından (PPŞ) ateş açmaq içün qullanılğandır.
Patronlar ekspertizağa yollanılğan. Küç idaresiniñ hadimleri bunıñ kimge ait olğanını araştırmaqtalar.
Rusiyeli sıñırcılar bu haberni şimdilik öz saytında derc etmemekteler.
Daa evel Rusiye MÇSniñ Qırım idaresi 2017 senesi qurtarıcılar Ekinci cian cenki devrine ait 94 dane nesneni zararsız bir alğa ketirgenleri aqqında haber etmekte.
