Qırım Muhtar Cumhuriyetiniñ prokuraturası Rusiye tarafından ilhaq etilgen yarımadada insan aqlarınıñ bozıluvınen bağlı anonim haberler yollanılması içün – sayttaki elektron şekil ve Skype vastasınen online-videobağ olaraq -yañı hızmet şekli çalıştırıp başladı, dephabere ete.
«Prokuraturanıñ resmiy saytında Qırım sakinleriniñ aqları bozıluvı, olarğa qarşı yapılğan arbiy cinayet ve insanlıqqa qarşı yapılğan cinayetlernen bağlı anonim haberler yollanılması içün elektron şekil azırladı», – denilmekte haberde.
Prokuraturanen Skype vastasınen yapılacaq online-videobağ er salı, çarşenbe ve cumaaqşamı künleri saat 10:00den 13:00gece (Qırımda 11:00den 14:00gece) çalışacaq dep qayd etti prokuratura hadimleri.
Qırım işğalinden soñ yarımadada rusiyeli akimiyet mustaqil jurnalistler, cemaat ve qırımtatar Milliy areketiniñ faalleri, Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.
