Link açıqlığı

Saatnıñ esas haberi

Kyivde «Qırım marafonı» çerçivesinde para toplanuvınen bağlı soqaq aktsiyası başlandı


Kyivde keçken «Qırım marafonı» aktsiyası, 2018 senesi yanvarniñ 23
Kyivde keçken «Qırım marafonı» aktsiyası, 2018 senesi yanvarniñ 23

Kyivniñ Hreşatık soqağında «Qırım marafonı» çerçivesinde para toplanuvınen bağlı soqaq aktsiyası ötkerilmekte.

Aktsiyanıñ teşebbüsçisi «Qırımnıñ uquqimaye areketi» cemaat teşklâtıdır, dep haber ete Qırım.Aqiqatnıñ muhbiri.

«Bizim aktsiyamız kelgende, bizler Qırımdaki «marafonğa» nasıl yardım etip olur ekenmiz, dep pek çoq tüşüngen edik. Neticede, bunı bir soqaq aktsiyası olaraq teşkil etilmesi uyğun olur dep kördik. Böyleliknen, soqaqtan keçkenlernen Kyiv sakinlerine Qırımda olıp keçken vaqialar aqqında malümat berip olurmız», – dep ikâye ete Qırım.Aqiqatqa teşkilât idaresiniñ reisi Enver Kadırov.

Onıñ sözlerine köre, buña beñzer aktsiyalar yanvarniñ 23-nde Odessa, Lviv, Dnipro, Herson ve Novaya Kahovkada da teşkil eteilgen.

İyülniñ 31-nde «Qırım birdemligi» ilhaq etilgen Qırımda «Qırım marafonı» serlevası altında, yarımadadaki siyasiy mabüs ve faallerge qol tutmaq maqsadınen, para cıyuv aktsiyası ilân etken edi.

Aktsiyanıñ meramına köre, «narazı olğanlarnıñ birligini» köstermek içün paralar 10 rusiye rublelik monetaları sıfatında (4 grivnağa yaqın – QA)toplana.

Qırım işğalinden soñ yarımadada mustaqil jurnalistler, cemaat ve qırımtatar milliy areketiniñ faalleri, Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.

XS
SM
MD
LG