Link açıqlığı

Saatnıñ esas haberi

Poroşenko Qırımda keçken faal Volodımır Baluhnıñ mahkemesini «mahkeme ceryanı» dep adlandırdı


Ukraina prezidenti Petro Poroşenko
Ukraina prezidenti Petro Poroşenko

Ukraina prezidenti Petro Poroşenko ilhaq etilgen Qırımnıñ Aqşeyh rayon mahkemesiniñ üç yıl ve yedi ayğa yaşav tarzı koloniyağa yollamağa mahküm etken ukrain faali Volodımır Baluhnıñ mahkemesini, «mahkeme ceryanı», dep adlandırdı.

«İşğalçiler ukrain ruhını iç bir zaman sındırıp olamaz! Volodımır Baluhnıñ üzerindeki mahkeme ceryanı bunıñ isbatıdır. Ukraina Qırım ve yarımadada qanunsız apis etilgenlerniñ azat etilmesi oğrundaki küreşini devam ettirecek», – dep yaza Poroşenko Facebookta.

Kremlniñ nezaretindeki Aqşeyh rayon mahkemesi yanvarniñ 16-nda, patron saqlağanında qabaatlanğan ukrain faali Volodımır Baluhnı üç yıl ve yedi ayğa yaşav tarzı koloniyağa yollamağa ve 10 biñ rublelik cöreme tölemeknen (tahminen 4,6 biñ grivna – QA) cezalamağa qarar berip, faalni otırışuv esnasında apiske aldı.

Bundan evel rus prokurorı, mabüsnı 5 yıl ve 1 ayğa azatlıqtan marum etip, yaşav tarzı koloniyağa yollamağa ve 20 biñ rublelik (tahminen 9,2 biñ grivna – QA) cöreme ödemesinen cezalanmasını talap etken edi.

Yanvarniñ 15-nde mahkeme toplaşuvında Baluh, soñ sözüni aytar eken, oña qarşı açılğan dava «onıñ siyasiy noqta-i nazarından dolayı uydurılğanını» ayttı ve bu onı «yañı Vatanını» sevmege mecbur etmez, dep ayttı.

FSB Volodımır Baluhnı 2016 senesi dekabrniñ 8-nde tutıp alğan edi. FSB hadimleri Volodımır Baluh yaşağan evniñ çardağında 90 dane patron ve bir-qaç TNT blokları tapılğanını beyan etken edi.

2017 senesi avgust ayında, mahkeme onı üç yıl ve yedi ayğa apiske oturtmağa ve on biñ rublelik cöreme tölemeknen cezalamağa qarar bergen edi. İstinaf arizası baqılğan esnasta Baluhnıñ ükümi lâğu etildi. Dava tekrar baqılmasına yollanıldı.

Dekabrniñ 1-nde Aqşeyh rayon mahkemesi ukrain faaline nisbeten sıñırlama tedbirini eki ayğa ev apisine deñiştirgen edi.

Baluhnıñ imayesi, o ukrain tarafdarı olğanı sebebinden – divarındaki yazı ve azbarında Ukraina bayrağı asılğanı içün – basqılarğa oğratılğanını tasdiqlay.

XS
SM
MD
LG