Link açıqlığı

Saatnıñ esas haberi

Rusiye Ukrainağa Qırımda «ağlanacaq bir alda» bulunğan arbiy tehnikanı qaytarmağa azır – Putin


Rusiye prezidenti Vladimir Putin aytqanına köre, Rusiye Ukrainanıñ ilhaq etilgen Qırımda bulunğan arbiy tehnikasına qaytarmağa azır eken. Putin bunı yanvarniñ 11-nde rusiyeli jurnalistlernen keçirgen körüşüvinde beyan etti, dep bildire TASS.

«Biz bu esnasnı devam ettirmege azırmız: Qırımda alâ daa qalğan arbiy gemilerni, uçaq ve zırhlı tehnikanı bermege azırmız», – dep ayttı Putin.

Rusiye prezidentiniñ sözlerine köre, «tenhika ağlanacaq alda eken». Söz onlarnen gemi ve arbiy uçaqlar aqqında kete, dep iddia ete Putin.

Ukraina tarafı bu beyanatqa daa bir izaat bermey.

2017 senesi Ukraina sabıq halq deputatı Andrey Sençenko, Rusiye Qırımnı ilhaq etken vaqıtta o silâlar, arbiylerniñ aileleri ve kursantlarnıñçıqarılmasınen bağlı körüşüvler keçirgeni aqqında ayttı. Onıñ sözlerine köre, o 3502 dane arbiy tehnika ve silâ çıqarğan ve olarnıñ eñ soñki yüklemesi 2014 senesi iyünniñ 16-nda yapılğan eken.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.

XS
SM
MD
LG