Kreml nezaretindeki Aqmescit Merkeziy rayon mahkemesi, qabaatlav hulâsasını zarar körgen üç kişiden sanki yalıñız biri alğanını sebep köstererek, «26 fevral işiniñ» oturışuvını yanvarniñ 18-ne avuştırdı. Bu aqta yanvarniñ 11-nde Qırım.Aqiqatnıñ muhbiri haber etmekte.
Şlâgin soyadlıi zarar körgen kişi poçta hızmeti vastasınen tapılmağan, lâkinİvkin soyadlı zarar körgen kişiniñ qabaatlav hulâsasını aluvınen bağlı olaraq ise, poçta identifikatorı mektüpniñ yolda olğanını haber etken.
2015 senesinde bir gruppa qırımtatar faallerine qarşı, 2014 senesi fevralniñ 26-sında Qırım Yuqarı Radasınıñ binası ögünde Ukrainanıñ topraq bütünligine qol tutmaq maqsadınen yapılğan mitingde iştirak etkenleri içün mahkeme başlatıldı. Olar kütleviy nizamsızlıqlarda iştirak etkenlerinde qabaatlandı.
Daa soñra mahkeme «Fevral 26 işi»ni ekige ayırdı: qırımtatar milliy areketiniñ liderlerinden biri Ahtem Çiygoznıñ işi, davanıñ diger figurantları olğan Ali Asanov, Mustafa Degermenci, Eskender Kantemirov, Talât Yunusov, Eskender Emirvaliyev, Arsen Yunusov ve Eskender Nabiyevniñ işinden ayırıldı.
Rusiye akimiyeti oktâbrniñ 25-nde Qırımda mahküm etilgen Qırımtatar Milliy Meclisi reisiniñ muavinleri Ahtem Çiygoz ve İlmi Umerovnı azat etip, Türkiyege teslim etti. Daa soñra Umerov ve Çiygoz Kyivge keldiler.
