Link açıqlığı

Saatnıñ esas haberi

Yanvarniñ 15-nde Aqmescitte Qırım qoqlalar akademik teatri binasınıñ yıqmağa başlaycaq olalar. Bu aqta «Sputnik v Krımu» radiosınıñ efirinde şeerniñ rusiyeli yolbaşçısınıñ muavini Sergey Krutsük haber etti.

«Qoqlalar teatriniñ yıquv işleri daa başlamadı, lâkin şartname artıq imzalanıp, mezat yapıldı.Kapital qurucılıq hızmeti - sımarışçı, Medeniyet nazirligi ise, paranıñ baş yöneticisidir. Yanvarniñ 15-nden itibaren teşkilât obyektke kelerek, etrafına qora çekecek ve azırlıq işlerine başlaycaq. Fevralniñ 15-ne qadar ilk-evelâ al-azırdaki bina yıqılıp, yañı binanıñ qurucılığı başlanacaq», – dep bildire Ktutsükniñ sözlerini «RİA Krım».

KHV yazğanına köre, şeer memuriyeti qurucılıq devam etken müddet içinde Jukovskogo soqağından Gorkogo soqağına maşnalarnıñ kirişi sıñırlanacaq, maşnalar turağı yasaqlanacaq eken.

Yanvarniñ 9-nda Aqmescit memuriyeti Gorkogo soqağına maşna kirişi belli olmağan vaqıtqace qapatılacağı aqqında haber etken edi.

2017 senesi avgust ayında Rusiye Devlet baş ekspertizası evelki Qırım qoqlalar akademik teatri yerine Aqmescitte balalar teatr merkezi qurulmasınen bağlı leyhanı maqul dep tanığan edi.

Dekabr ayında belli olğanı kibi Sankt-Peterburglı «Meandr» şirketi, Aqmescitteki qoqlalar teatri yerine qurulacaq balalar teatr sanatınıñ merkezi qurucılığınen bağlı yarışmada ğalebe qazanğan edi.

XS
SM
MD
LG