Vernadskiy adına Tavriya milliy universitetiniñ rektorı Vladimir Kazarinniñ fikrine köre, «vizasız» rejim qırımlı talebelerge Ukrainanıñ qıta qısmındaki aliy oquv yurtlarına avuşmağa sebep oldu. Bu fikirni o «Hromadske radio» efirinde bilidrdi.
«Kyivde çalışıp başlağan devir içinde bizler, belki de bayağı uzun bir yol keçkendirmiz. Bizim studentlerimiz devamlı başqa-başqa devletlerde stajirovka keçip,deñişüv programmalarında iştirak eteler, onıñ içün men bellesem, bu pek qarsanbalı, kergin, lâkin semereli bir devir olğandır. Bazı sebeplerden dolayı Qırımdan avuşqan studentlerniñ aqımı devam ete ve ketken sayın ep arta. Geçlerni avuşmağa itegen soñki ve eñ küçlü faktor – «vizasız» rejim oldı. Qırımdaki programmalrnıñ epsi qapatıldı, bir yerge çıqmağa çare yoq. Esas Ukrainada ise, sen dünya vatandaşı olasıñ», – dey Kazartin.
2015 senesiniñ başında Qırımdaki Rusiye akimiyeti Vernadskiy adına Tavriya milliy universitetini yoq etti. Şu yılnıñ özünde birleştirilgen «federal universitet» meydanğa ketirildi. Oña bir qaç aliy oquv yurtu, şu cümleden TMU, Georgiyevskiy adına Qırım devlet tıbbiyet universiteti ve bir qaç diger ilmiy teşkilâtlar kirdi. «Qırım federal universiteti»niñ strukturasına tahminen 13 umumtasil ve ilmiy muessise kire.
2016 senesinden başlap Ukrainanıñ qıtadaki qısmında, ilhaq etilgen Qırımdan köçken Vernadskiy adına Tavriya milliy universiteti (TMU) çalışa. Universitette ilhaq etilgen Qırımdan talebelerni keçirmek ve sadeleştirilgen şekilde qabul etmek içün programmalar çalışa.
2017 senesi iyünniñ 11-nden başlap AB devlerine qısqa müddetli ziyaretnen barğan ukrainler ve «şengen» içün (er 180 kün içinde çalışma aqqı bermegen 90 künlük) viza liberalleştirüvi küçke kirdi. Vizasız rejim Büyük Britaniya ve İrlandiyadan ğayrı, Avropa Birligi azası olğan bütün devletlernen ve AB tışındaki «şengen zonasındaki» devletlernen bağlı. Felemenk ve Frenkistannıñ «uzaqlarda yerleşken adaları» şimdilik bu rejimge kirmemektedir.
AB vizasız rejimnen faydalanabilmek içün ukrainler iyünniñ 11-nden itibaren biometrik pasport saibi olmaq kerekler ve sıñırcılar talap etken taqdirde, ketiş maqsadı ve şartları, tölev qabiliyeti olğanını isbat etmeliler. Devlet sıñır hızmetiniñ malümatına köre, Avropa Birliginen sürgen yarım yıllıq vızasız müddet içinde onen 355 000 ukrainalı faydalanğan.
