Ukrainanıñ sabıq prezidenti Leonid Kuçmanıñ fikrine köre, «Rusiye Qırımnı idare etip olamağan soñ, o keri qaytar». Bunı o yanvarnıñ 7-nde Azatlıq Radiosı ve «112 Uktraina» telekanalınıñ umumiy proyektiniñ efirinde beyan etti.
«Men bellesem, o (Ukraina –QA) Qırımnı, Rusiye onı idare etip olamağan soñ keri qaytarıp alır», – dedi sabıq prezident.
Onıñ aytqanına köre, Ukraina yarımadanıñ inkişafı içün milliard dollarlar sarf etti.
«1954 senesinden başlap Ukraina anda suv, yol keçirmek, kurort açmaq, ziraat, medeniyet ve saireni tiklemek içün yüz milliard dollardan ziyade para sarf etti. Onıñ içün Moskvadan Qırım olarnıñ toprağı olğanına, qaraman şeerlerge dair efsanelerniñ epsi – uydurma. Hruşçov Qırımnı bağışlamayıp, almağa mecbur etti, SBKP MK siyasiy bürosına, Ukraina Odessa, Herson ve Nikolayev vilâyetlerinde böyle işlerde tecribe saibi olıp, Qırımğa yerdım etebilir, dep aytan edi, neticesi de, zaten, öyle olıp çıqtı. Ukraina Qırımnı ayaqqa tursattı. Şimdi ise, Qırım ilhaq etildi, bir de bizge, Qırım keri qaytarılğanını isbat etecek olalar», – dedi Kravçuk.
Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey.Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü olaraq qabul etti.
