Link açıqlığı

Bu yılnıñ başından berli sıñırda biometrik nezaretten 15 biñden ziyade rusiyeli keçti – Ukraina devlet sıñır hızmeti


2018 senesiniñ başından berli Ukrainağa kirgen 15 biñden ziyade Rusiye vatandaşı biometrik nezaretten keçtü, dep bilidre Ukraina devlet sıñır hızmetiniñ matbuat kâtibi Oleg Slobodyan.

«Biometrik nezaret sisteması semereli çalışa, şimdilik ciddiy bir problema yoq. Bu yılnıñ başından berli 22,5 biñden ziyade insan biometrik nezaretten keçti, bular arasında 70 devletniñ vatandaşı bar. Bularnıñ aman-aman 15 500 – Rusiye vatandaşı», – dep ayttı Slobodyan «112 Ukraina» telekanalınıñ efirinde.

Devlet sıñırında yerleşken keçiş noqtalarında biometrik qayd sisteması yanvarniñ 1-nden itibaren çalışıp başlağan edi; bundan evel bir qaç kün devamında, hususan dekabrniñ 27-nden itibaren, bu sistema test rejiminde çalışqtı. Sıñırda çalışqan nezaretniñ yañı sisteması «migratsion telüke» cedvelindeki cemi 70 devlet vatandaşı, şu cumleden Rusiyenen alâğalı.

Biometrik malümat nezareti Qırımda yaşağan Ukraina vatandaşlarına tesir etmeycek, dep bidirdi Ukraina devlet sıñır hızmeti.

XS
SM
MD
LG