Link açıqlığı

Saatnıñ esas haberi

Rusiye MİDi: rusiyeli jurnalistlerni sürgün eterek, Latviya mecburiyetlerini boza


Mariya Zaharova
Mariya Zaharova

Latviya rusiyeli jurnalistlerni sürgün eterek, özüniñ halqara mecburiyetlerini boza, dep beyan etti yanvarniñ 4-nde Rusiye tış işleri nazirliginiñ resmiy temsilcisi Mariya Zaharova.

«Resmiy Riga BMT (OON), OSCE ve Avropa Şurasınıñ esas aktlarını sayğısızlıq köstererek, söz serbestligini temin etüv saasında özüniñ halqara uquqiy mecburiyetlerini doğrudan ve qaba bir şekilde bozmaqta», – dey Zaharova.

O, Rusiye halqara institutlardan «uyğun cevap» talap etecegini ayttı.

«Demokratik cemiyette aqılğa sığmağan, devletke bağlı olmayıp söz serbestliginde ihtisaslaşqan teşkilâtlarnıñ Latviyanıñ areketlerine uyğun qıymet kesmesine çağıramız», – dep beyan ete Zaharova.

Yanvarniñ 4-nde VGTRK mediaholdinginiñ rusiyeli jurnalisti Olga Kurlayeva, Latviya devleti oña ülkeni terk etmesi içün 24 saat mühlet bergeni aqqında haber etti. Kurlayeva Latviyanıñ milliy havfsızlığına telüke teşkil etüvde qabaatlana.

Ondan evel Latviyadan, yanvarniñ 1-nde Rigağa kelgen onıñ qocası, rusiyeli «TV Sentr» telekanalınıñ jurnalisti Anatoliy Kurlayev sürgün etilgen edi. Latviya iç işleri naziri Rihard Kozlovskis yerli LNT telekanalına aytqan kibi, bu jurnalistniñ bu devletke kirmesi yasaq etilgen. O, sebepleri aqqında aytmaqnı red etken.

Onıñ sözlerine köre, Latviya, keçken yıldan berli, hususan «devletke dostane munasebet köstermegeninden dolayı» 100 ziyade vatandaşnıñ kirişini yasaqlağan.

XS
SM
MD
LG