Link açıqlığı

Saatnıñ esas haberi

Sevgil Musayeva ve Alim Aliyevniñ «Mustafa Cemilev. Bükülmez insan» adlı kitabı 2017 senesi Ukraina prezidenti Petro Poroşenko adından tevsiye etilgen kitaplar sırasına kirdi. Bu aqta prezident yanvarniñ 3-nde özüniñ Mediumdaki blogında yaza.

«Bu klassik tarzda yazılğan bir tercimeial degil. Qırımtatar halqınıñ lideri Mustafa Cemilevniñ ayat prizması üzerinden qırımtatarlarnıñ taqdiri ve milletniñ serbest ömür oğrundaki küreşi, ayrıca şimdiki devir ve Qırım ilhaq etilgen soñ qırımtatarlar körip-keçirgen problemalar kösterilmekte», – denilmekte Poroşenkonıñ haberinde.

TOP kitaplar arasında: Yekaterina Şçötkinanıñ «Lübomir Guzar. İnsan olmaq isteyim», Richard Shirrefniñ «Rusiyege qarşı küreş», Neil Fergusonnıñ «Medeniyet. Ğarpnıñ muvafaqiyetli yolu», Leonid Uşkalovnıñ «Şevçenko. A-dan Z-gece»,Yevgeniye Nikiforova, Lizaveta German ve Olga Balaşovanıñ«Decommunized: Ukrainian Soviet Mosaics» adlı kitapları kirdi.

Mustafa Cemilev – qırımtatar halqınıñ milliy lideri, sürgün etilgen ve ana-toprağına avdet etken halqnıñ birleşme timsali, Ukraina halq deputatı, uquqimayecisi, Ukraina prezidentiniñ qırımtatar halqı işleri boyunca vekâletli temsilcisidir.

XS
SM
MD
LG