Link açıqlığı

Saatnıñ esas haberi

Qırımtatar Milliy Meclisiniñ azası Bariyev aqrabalarınıñ FSB tarafından sorğulanğanını bildire


Eskender Bariyev
Eskender Bariyev

Qırımtatar resurs merkezi idaresiniñ yolbaşçısı, Qırımtatar Milliy Meclisiniñ azası Eskender Bariyev ilhaq etilgen Qırımda aqrabalarınıñ Rusiye Federal telükesizlik hizmeti tarafından sorğulanğanını bildire.

Yanvarniñ 4-nde Bariyev Facebookta: «Sorğuda eki qız qardaşım ile qaynatam iştirak ettiler (anamnen babam, sağlıq vaziyetleri sebebinden barmadılar). Olarnı sorğuğa menim aq-uquqnı qorçalav saasındaki faaliyetlerim ve bir vatandaş olaraq ifade etken noqtai-nazarım içün çağırdılar. Sorğunıñ tafsilâtlarını bilmeyim, çünki maña bildirmediler. Büyük ihtimal ile olardan malümatnı aşkâr etmeyceklerine dair imzalı aht alındı.

O, sorğularğa, özüne tazyıq etmek teşebbüsi olaraq qıymet kese. Onıñ aytqanına köre, FSB onıñ yaqınlarını «rehin» yapmaq istey.

Rusiye telükesizlik hadimleri şimdilik bu malümatnı izalamadılar.

Dekabrniñ 21-nde Bariyev, aqrabalarınıñ Rusiye Federal telükesizlik hizmetiniñ ilhaq etilgen Qırımdaki idaresine sorğuğa çağırılğanlarını bildirdi.

Qırımtatar resurs merkezi – cemiyet platformasıdır. Onıñ maqsadları – Qırımda aq-uquq bozuluvları boyunca malümatnı toplamaq ve közetmek, aq-uquqnı qorçalav, qanunlar çıqaruv ve adiselerni talil etüv saalarında faaliyet köstermektir. 2015 senesiniñ noyabrinde bu merkez Ukrainada bir cemiyet teşkilâtı olaraq qayd etildi.

Rusiye tarafından ilhaqından soñ Qırımda mustaqil jurnalistler, cemiyet faaliyetçileri, qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtına alâqası bar dep şübhe altında tutulğan Qırım musulmanlarınıñ evlerinde ketken sayın daa sıq surette tintüvler yapıla.

XS
SM
MD
LG