Link açıqlığı

Filistin, Vaşingtondaki elçisiniñ çağırğanını bildirdi


Batı Şeria, Ramallah -- Filistin faaliyetçileri, betlerini örtip, Donald Trampnıñ resimini tutalar, 2017 senesi dekabr 6 künü

Filistin akimiyeti, Qoşma Ştatları ile kelecekteki munasebetleri boyunca aqıl tanışmaq içün Vaşingtondaki elçisini çağırğanını bildirdi. Munasip qarar dekabrniñ 31-nde, AQŞ prezidenti Donald Trampnıñ Qudüsni İsrailniñ paytahtı olaraq tanımaq qararını ilân etkeninden bir qaç afta keçken soñ qabul etildi.

WAFA Filistinniñ resmiy haber agentligi, Filistinniñ tış işleri naziri Riyad al-Maliki Husam Zomlotnı subet içün çağırdı, dep bildire.

Al-Maliki, «Filistin yolbaşçılarına kelecek içün kerek olacaq AQŞ ile munasebeti aqqında qararlar»nı qabul etmek maqsadınen muzakereler olacaq, dep bildirdi. Nazirniñ aytqanına köre, elçi büyük ihtimal ile aqıl tanışuvlardan soñ «normal iş»ke qaytacaq.

Dekabrniñ 6-sında Donald Tramp, AQŞnıñ Qudüske qarşı eski siyasetiniñ deñişkenini ilân etip, filistinliler ile olarnıñ arap ittfaqdaşlarınıñ azabını qozğattı ve Ğarpta keskin tenqitniñ nişanı oldı. Buña qarşı Mahmud Abbas, bu adım AQŞnıñ Yaqın Şarqtaki barışıqlı aracı rolüni soñuna irdirdi, dedi.

Qudüsniñ statusı, İsrail-Filistin çatışmasınıñ er bir tarafı içün tesirli meseledir. Filistinliler Şarqiy Qudüsni, ileride qurulacaq devletleriniñ paytahtı olmaq kerek, dep sayalar.

XS
SM
MD
LG