Link açıqlığı

Saatnıñ esas haberi

Putin Trampnı Rusiye ile AQŞ arasında «pragmatik emekdaşlıq» yapmağa davet etti


Donald Tramp ve Vladimir Putin, 2017 senesi noyabr 11 künü
Donald Tramp ve Vladimir Putin, 2017 senesi noyabr 11 künü

Rusiye prezidenti Vladimir Putin, AQŞ prezidenti Donald Trampqa doğrultılğan yılbaş hayırlavında, eki devlet arasında konstruktiv dialognıñ global stabillik içün pek muim olğanını söyledi.

Rusiye prezidentiniñ matbuat hizmeti dekabrniñ 30-nda bildirgeni kibi, Putin hayırlavında Rusiye ve AQŞnıñ «musaviylik ve qarşılıqlı ürmet» esasında «uzaq istiqbalge doğrultılğan pragmatik emekdaşlıq»nı inkişaf ete bileceklerini qayd etti.

Putin, «Rusiye ile Amerika arasında konstruktiv dialogınıñ inkişaf etilmesi dünyada strategik stabillikniñ pekitilmesi ve global telükeler ile meydan oqumalarğa optimal cevaplarnıñ qıdırılması içün hususan emiyetlidir», dep qayd etti.

Dekabrde Tramp, Rusiye Phenyannı nükleer programından vazgeçirmek içün Şimaliy Koreyağa tazyıq etmege «yardım etmey», dep bildirdi.

Moskva ile Vaşıngton arasındaki munasebetler Rusiye 2014 senesinde Qırımnı ilhaq etken soñ ve bıltır AQŞtaki prezident saylavına qarışuvda qabaatlanğan soñ bozuldılar.

XS
SM
MD
LG