Link açıqlığı

Rusiye FSBsi yanvar 1 kününden başlap sıñır rejimi qaidelerini deñiştire


Rusiyede 2018 senesi yanvarniñ 1-ncisinden başlap 2017 senesi ağustos 7 tarihlı 454 ve 455 nomeralı FSB emirleri amelge keçirilecek. Olar, «Sıñır rejimi qaideleri» ve sıñır zonasına naqliyat vastasınen ve cayav kiriş içün mahsus vesiqalarnıñ (propusklarnıñ) berilmesi boyunca reglamentni yañıdan işlengen şekilde taqdim eteler.

Ondan ğayrı bu vesiqalar iqtisadiy, avcılıq ve diger faaliyetler, içtimaiy-siyasiy, medeniy ve diger tedbirlerniñ ötkerilmesi, sıñır boyunda mal tutuv ve otlatuv, sıñır boyundaki özenler, göller ve sıñır rejimi tayin etilgen diger suv obyektleriniñ suvlarında balıqçılıq, ilmiy-teşkerüv, araştıruv ve diger faaliyetlerge ruhsetnamelerniñ berilmesini nizamğa qoya.

Qırım sakinlerine propusklar ve ruhsetmanelerniñ berilmesi boyunca devlet hizmetini kösterüv protsedurası ve sıñır rejimi qaideleri ile tanış olmaqnı tevsiye eteler. Böyle tevsiye, cümleden, Kremlniñ kontroli altında bulunğan Canköy memuriyetiniñ saytında buluna.

Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp devletleri oña qarşı bir sıra iqtisadiy sanktsiyalarnı qullandı. Rusiye, yarımadanı işğal etkenini red etip, oña «tarihiy adaletniñ tiklenmesi», dey.Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG