Link açıqlığı

Saatnıñ esas haberi

Ekimler tevqif etilgen qırımtatar faaliyetçisi Çapuhnıñ sağlıq vaziyetini teşkerdiler – advokat


Qırımtatar faaliyetçisi Asan Çapuh
Qırımtatar faaliyetçisi Asan Çapuh

Dekabrniñ 28-nde Aqmescitteki Semaşko adına hastahanede qırımtatar faaliyetçisi, «Veciye Kaşka işi» figurantı Asan Çapuhnıñ tıbbiy teşkerüvi yapıldı. Ekimlerniñ hulâsası yılbaş bayramından soñ beklenile. Bunı Qırım.Aqiqatqa advokat Ayder Azamatov bildirdi.

Advokat: «Onıñ alı biraz eyileşti, özü qıbırdap ola, lâkin yardımğa muhtac. Sol ayağı toqtamayıp yuqlap qala, sol qolu sağ qolundan ufaq körüne, qan dönümi yaramay. Tili kürmekleşe, zornen laf ete, nefes alması biraz qolaylaştı, közünde illeti bar… Maña köre, o, tıbbiy baquvı aman-aman olmağan muvaqqat izolâtorda degil de, hastanede bulunmaq kerek», – dedi.

Aynı zamanda Çapuh özü tıbbiy bölükte bulunmaqtan vazgeçti.

Azamatov: «O, tıbbiy bölükte onı baqacaq kişiniñ olmağanını, muvaqqat izolâtorda ise ücre arqadaşlarınıñ oña yürmege yardım etkenlerini vazgeçkeniniñ sebebi olaraq kösterdi. Soyları oña ilâclar yolladı ve olarnıñ sayesinde alı stabildir. Faqat Qırımda bayramlar yanvarniñ 9-na qadar devam etecek, ilâclar ise yanvarniñ 5-ne qadar yetecekler.

65 yaşlı Asan Çapuh muvaqqat izolâtorda mikroinsult keçirip, acele surette hastahanege yatqızılmasına muhtac edi. Onıñ advokatı Ayder Azamatov, imayesi altında bulunğannıñ şeer hastahanesine keçirilmesini talap ete edi.

Noyabrniñ 23-nde kündüz Aqmescitte telükesizlik hadimleri bir grup qırımtatarlar – Kâzim Ametov, Asan Çapuh, Ruslan Trubaç ve Bekir Degermencini yaqaladılar. Olar Türkiye vatandaşından «aqsız yerde hususan büyük miqdarda para talap etüv»de qabaatlanalar. Rusiye telükesizlik hadimleri tarafından yaqalanuvları esnasında qırımtatar milliy areketiniñ veteranı Veciye Kaşka yaramadı. Daa soñra qadınnıñ vefat etkeni belli oldı.

Noyabrniñ 24-nde Rusiyeniñ kontroli altında bulunğan Aqmescitteki Kyiv rayonı mahkemesi yaqalanğan qırımtatar faaliyetçilerini 2018 senesi yanvarniñ 15-ne qadar apiste qaldırdı.

XS
SM
MD
LG