Link açıqlığı

Qırımtatar faaliyetçisi Veciye Kaşkanıñ ailesi advokat Mambetov ile añlaşma yaptı


Crimea, Bylogirsk - activist of the Crimean Tatar national movement Vedzhie Kashka, 16Aug2017

Dekabr 21, cumaaqşamı künü Qırımda vefat etken qırımtatar faaliyetçisi Veciye Kaşkanıñ oğlu ve qız torunı advokat Mammet Mambetovnen añlaşma yaptılar. Bunı Qırım.Aqiqat muhbiri bildire.

Mambetov: «Veciye Kaşkanıñ oğlu Ali Kaşka ve torunı Aliye Kaşkanıñ Rusiyege tabi Qırım İçki işler nazirliginiñ (İİN) Tahqiqat komiteti tarafından «Veciye Kaşka işi» boyunca çağırılması munasebeti ile olar, öz menfaatlarını qorçalamaq içün advokat tutmağa mecbur oldılar», – dep izaat berdi.

Bundan evel, dekabrniñ 18-nde, Ali Kaşka ve Aliye Kaşka Qırım İİN Tahqiqat komitetinden povestka (kelmek talabı ile resmiy maqamdan yollanğan vesiqa – QA) aldılar. Dekabrniñ 19-nda olar tahqiqatçığa keldi, lâkin Rusiye anayasasınıñ 51-nci maddesine esaslanıp, ifade berüvden vazgeçtiler.

Noyabrniñ 23-nde kündüz Aqmescitte telükesizlik hadimleri bir grup qırımtatarlar – Kâzim Ametov, Asan Çapuh, Ruslan Trubaç ve Bekir Degermencini yaqaladılar. Olar Türkiye vatandaşından «aqsız yerde hususan büyük miqdarda para talap etüv»de qabaatlanalar. Rusiye telükesizlik hadimleri tarafından yaqalanuvları esnasında qırımtatar milliy areketiniñ veteranı Veciye Kaşka yaramadı. Daa soñra qadınnıñ vefat etkeni belli oldı.

Noyabrniñ 24-nde Rusiyeniñ kontroli altında bulunğan Aqmescitteki Kyiv rayonı mahkemesi yaqalanğan qırımtatar faaliyetçilerini 2018 senesi yanvarniñ 15-ne qadar apiste qaldırdı.

XS
SM
MD
LG