Link açıqlığı

Saatnıñ esas haberi

Kyivde qırımtatar medeniyeti ve yazısı aqqında ikâye etilecek


Kyivde balalar içün «Tilde Birlik» adı altında qırımtatar yazısı ve medeniyetinen bağlı tasil aktsiyası keçirilecek. Bu aqta dekabrniñ 20-nde faal Lerane Haybullayeva bildirmekte.

Dekabrni25-ne qadar yaş sıñırı olmadan bütün istegen balalar aktsiyada iştirak etebile.

Haybullayevanıñ sözlerinbe köre, aktsiyada iştirak etmege istegenler kâğıttan yürek şeklinde bir varaqa azırlap, üzerinde qırımtatar tilinde Vatan, tuvğan yerler ve ana tiline olğan sevgisi mevzusınen bağlı bir söz yazmaq kerek.

Bildirilgenine köre, bir iştşrakçige berilcek kâğıttan yapılğan yürek sayısı sıñırlı.

Aktsiyanıñ finalı dekabrniñ 26-nda Kyiv, Bogadan Hmelnitskiy soqağı, 8/16 adresinde yerleşken ArtHud iş hanesinde keçirilecek. Finalda qırımtatar halqı lideri Mustafa Cemilev ve Milliy Meclis reisi Refat Çubarov iştirakçilerge mükafatlar taqdim etecek, dep haber ete teşkilâtçılar.

XS
SM
MD
LG