2017 senesi dekabr ayınıñ soñunda ukrain Wikipediasına Qırımda yaşağan ameliy sanat ustaları aqqında malümat kirsetilecek. Bu aqta Qırım.Aqitatqa Ukraina medeniyet naziriniñ meslatçısı Esma Aciyeva ikâye etip berdi.
Onıñ aytqanlarına köre,2018 senesi yanvar ayında qırımtatar Wikipediasınıñ teşkil etilgenine 10 yıl tola eken.
«O faal insanlar gruppası tarafından teşkil etilgen edi, lâkin bu teşebbüske kimse qol tutmadı. Bugün bizler İsviçre tarafından qol tutulğan bir leyha çerçivesinde ukrain tilindeki Wikipedianı qırımtatar kontentinen toldurılması üzerinde çalışamız ve, ihtimal, inglizcesi de yapılır. Bizler ameliy sanat saasında çalışqan ustalarğa anketa yollap, olar aqqındaki maqalede neler körmege istegenlerini yazsınlar dep rica ettik. Ustalarnıñ çoqusı cevap berdi», – dep qayd etti Aciyeva.
Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey.Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü olaraq qabul etti.
