Rusiye Avropa Birligi devletleri liderleriniñ dekabrniñ 14-nde, Ukrainanıñturğunsızlaşuvına sebep olğanı içün daa altı ayğa Moskvağa qarşı iqtisadiy sanktsiyalarnı uzatılmasına qol tutqanını tenqit ete.
Dekabrniñ 15-nde Kreml temsilcisi olğan Dmitriy Peskov sanktsiyalarnı «qanunğa zıt ve aqsız» dep tanıdı. Onıñ sözlerine köre, Kreml «böyle qararlarnı AB ve Rusiye içün elverişli olmağanını ayta».
«Buña baqmadan, bizler, elbette, Brüsselnen şimdilik pek yahşı olmağan munasebetlerimizni eyileştirmege niyetlimiz», – dep ilâve etti o.
Dekabrniñ 14-nde Avropa Birligi devlerleriniñ liderleri Rusiyege qarşı kirsetilgen iqtisadiy sanktsiyalarnı daa altı ayğa, 2018 senesi iyülniñ 30-na qadar uzatılmasına qol tuttı.
Rusiyege qarşı sanktsiyalar 2014 senesi Moskvanıñ ukrain Donbassındaki çatışmadaki rolü ve dünyanıñ bir çoq devleti tanımağan Qırım ilhaqından soñ kirsetilgen edi. Daa soñra sıñırlav çareleri bir qaç sefer uzatıldı.
