Link açıqlığı

Qırımda telükesizlik hızmeti ğayıp olğan Arlen Terehov ve Ruslan Ganiyevni qıdırmay – uquqqorçalayıcı


Abdureşit Cepparov

İlhaq etilgen Qırımda Rusiye telükesizlik hızmetiniñ hadimleri 2015 senesi dekabrniñ 15-nde ğayıp olğan Keriçniñ eki sakini Ruslan Ganiyev ve Arlen Terehovnı qıdırmaq içün, iç bir areket yapmaylâr.

Bu aqta Qırım.Aqiqatqa bergen izaatında Qırım insan aqları bağ gruppasınıñ koordinatorı Abdureşit Cepparov ikâye etip berdi.

«Bir bucuq ay evelsi men Terehov ve Ganiyevniñ aqrabalarına ziyaret etken edim. Olar iç bir areket yapımağanı aqqında aytqan ediler. Şimdi mustaqil taqiqatnen oğraşamız. Uquqorçalav saasında böyle mutehassıslarımız bar, ancaq daa iç bir netice alamadıq», – dey Cepparov.

Onıñ sözlerine köre, olarnıñ ğayıp olmasınen, esas Ukraina bulunğan Qırım Muhtar Cumhuriyetiniñ prokuraturası ve advokatlar oğraşa.

Qırım ilhaq etilgen soñ, yarımadada şu cumleden: Seyran Zinedinov (2014 senesi mayısnıñ 30-nda ğayıp oldı), İslâm Cepparov ve Cevdet İslâmov (2014 senesi sentâbrniñ 27-nde ğayıp oldılar), Eskender Apselâmov (2014 senesi oktâbrniñ 3-nde ğayıp oldı) kibi, bir qaç qırımtatar ğayıp oldı.

Dekabrniñ 15-nde qırımtatar Milliy Meclisi Keriçte Ruslan Ganiyev ve onıñ dostı Arlen Terehov ğayıp olğanı aqqında haber etken edi.

«Krım.SOS» teşebbüsiniñ malümatına köre, Rusiye ilhaqından soñ Qırımda onıñ 44 sakini ğayıp oldı. Yalıñız 17 kişi tapıldı, 16-sından alâ daa haber yoq, 6 kişiniñ ölüsi tapıldı, eki kişi apishanede tutulmaqta.

Qırım Taqiqat komiteti ğayıp olğanlar boyuncabir sıra cinaiy iş açqan olsa da, ğayıp olğanlarnıñ ne yerde olğanına dair alâ daa bir malümat yoq. İşler öldirüv ve qırsızlav boyunca açıldı.

XS
SM
MD
LG