Link açıqlığı

Saatnıñ esas haberi

Kyivde Degermenciler qorantası ile birdemlik aqşamı yapılacaq


Aqmescitte Bekir Degermenciniñ yaqalanuvı, 2017 senesi noyabr 23 künü
Aqmescitte Bekir Degermenciniñ yaqalanuvı, 2017 senesi noyabr 23 künü

Dekabrniñ 14-nde «Kyivdeki Qırım birdemligi» birleşmesi, Kyivde Degermenciler qorantası ile birdemlik aqşamı yapılacaq, dep bildire.

«Qırım evi»nde yapılacaq tedbirde siyasetçiler, faaliyetçler ve bütün istegenler iştirak etecekler. İştirakçilerge «Degermenciler qorantası ve Rusiye tarafından işğal etilgen Qırımda taqip ve qanunsız olaraq mahküm etilgen daa elli kişi – faaliyetçiler, adiy vatandaşlar ve olarnıñ soy-aqrabaları ile birdemlikni köstermek, olarğa maneviy ceetten qol tutmaq» teklif etile.

Mustafa Degermenci – «Fevral 26 işi» figurantlarından biridir. O, 2014 senesi fevralniñ 26-sında AqmescitteUkrainanıñ topraq bütünligine qol tutmaq maqsadınen yapılğan tedbir vaqtındaki kütleviy qarışıqlıqlarda iştirak etkeninde qabaatlanıp, 2015 senesi mayısnıñ 7-nde tevqif etildi. Eki yıl apiste bulunğan soñ 2017 senesi aprelniñ 6-sında ev apisine keçirildi.

Bekir Degermenci – qırımtatar milliy areketiniñ faaliyetçisidir. O, 2017 senesi noyabrniñ 23-nde diger qırımtatar faaliyetçileri ile beraber aqsız yerde para talap etüvde qabaatlanıp, tevqif etildi. Dekabrniñ 14-nde onı muvaqqat izolâtordan reanimatsiyağa keçirdiler.

Bildirilgenine köre, tedbirde Bekir ve Mustafa Degermencilerniñ soyları, Qırımtatar Milliy Meclisi reisi Refat Çubarov, Qırımtatar Milliy Meclisi reisi muavini İlmi Umerov, Qırım advokatı Edem Semedlâyev iştirak etecekler.

Rusiye tarafından ilhaqından soñ Qırımda mustaqil jurnalistler, cemiyet faaliyetçileri, qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtına alâqası bar dep şübhe altında tutulğan Qırım musulmanlarınıñ evlerinde ketken sayın daa sıq surette tintüvler yapıla.

XS
SM
MD
LG