Yaqın on yıl devamında Qırım qomşu Rusiye bücetinden maliyeviy yardım almadan yaşap olamaz. Bu aqta Rusiye nezaretindeki yarımadanıñ maliye naziri İrina Kiviko haber etti.
Onıñ sözlerine köre, Qırımnıñ bücet 2028 senesi maliyeviy yardım almadan yaşap olur.
«Men bellesem bu, bizde köpürler qurulıp, demiryolu olğanında, sanayı inkişaf etip başlağan soñ olur. Buña belki 10 yıl kerek olur», – dep bildire rusiyeli TASS agentligi Kivikonıñ sözlerini.
2018 senesi ve 2019-2020 muddetinen bağlı bücet qanunı leyhasına binaen 2018 senesi Rusiye bücetinden Qırımğa keri ödenmemek şartınen ayırılacaq paranıñ miqdarı 2017 senesine nazaran 20% yani 131,4 mlrd rublege (60 mlrd grivnağa yaqın - QA) artacaq eken.
2017 senesi qomşu Rusiye bücetinden Qırımğa yollanğan maliyeviy tardım miqdarı 37 milliard rubleni (17 mlrd grivnağa yaqın -QA) keçken edi. 2020 senesi Moskva Qırım ve Aqyarnıñ ictimaiy-iqtisadiy inkişafına ayırılğan federal maqsatlı programma çerçivesinde 160 milliard ruble (73 mlrd grivnağa yaqın - QA) masraf etmege planlaştıra.
