Link açıqlığı

Saatnıñ esas haberi

FSB reberi Ukraina devlet organları Qırımdaki vaziyetni turğunsızlaştıra dep saya


Rusiye FSB reberi Aleksandr Bortnikov
Rusiye FSB reberi Aleksandr Bortnikov

Terrorrizmge qarşı kureş komiteti (NAK) reisi, Rusiye FSB reberi Aleksandr Bortnikov, ukrain devlet organlarınıñ faaliyeti Qırımda «telüke taşığan bir unsur» teşkil etmekte, dep saya. Bu aqta Rusiye TASS informatsion agentligi bildirmekte.

«Qırım bölgesindeki vaziyetni bozmaq maqsadınen qurulğan ukrain devlet organları ve radikal teşkilâtları ciddiy telüke taşığan bir unsurı olmağa devam ete», – dedi Bortnikov dekabrniñ 12-nde NAK yekün oturışuvında.

Qırım işğalinden soñ yarımadada mustaqil jurnalistler, cemaat ve qırımtatar milliy areketiniñ faalleri, Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey.Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü olaraq qabul etti.

XS
SM
MD
LG