2018 qomşu Rusiyeden Qırımğa yollanğan paranıñ dörtte üçüni maliyeviy yardımlar şeklinde olıp, miqdarı 41,6 mlrd (19 mlrd grivnağa yaqın - QA) rubleni teşkil etecek. Bunı dekabrniñ 7-nde «RİA Krım» bergen intervyusında Qırımnıñ rusiyeli maliye naziri İrina Kiviko beyan etti.
Kiviko Qırımnıñ «bazı sebeplerden dolayı» Rusiyeden yollanğan maliyeviy yardımğa bağlı qalğanını tanıdı. O, sözniñ maliyeviy yardım yani belli bir maqsadı olmadan ve vaqtı zamanında menimsenmegen taqdirde bile keri qaytarılmağa kerek olmağan paralar aqqında ketkenini qayd etti.
Ayrıca, Qırım naziriniñ sözlerine köre, Rusiyeden Qırım bücetine yollanğan paralarnıñ 3-üçte ekisi çeşit türlü subsidiyalar yani – keri ödenmemek şartınen ayırılğan ve belli bir maqsatnen ayırılğanlar teşkil etecek eken.Kivikonıñ sözlerine köre, bu qısım 85 mlrd (38 mlrd grivnağa yaqın -QA) teşkil ete.
İrina Kiviko iddia etkenine köre, Rusiye bücetinden Qırımğa keri qaytarılmamaq üzre yollanğan paralar miqdarınıñ artması «Qırım ve Aqyarnıñ inkişafına ayırılğan federal maqsatlı programma» finansirlenmesine masraf etilgen susbsidiyalarsebebindendir.
2017 senesi qomşu Rusiye bücetinden Qırımğa yollanğan maliyeviy tardım miqdarı 37 milliard rubleni(37 mlrd grivnağa yaqın -QA) keçken edi.2020 senesi Moskva Qırım ve Aqyarnıñ ictimaiy-iqtisadiy inkişafına ayırılğan federal maqsatlı programma çerçivesinde 160 milliard ruble (73 mlrd grivnağa yaqın -QA) masraf etmege planlaştıra.
